di Gabriella Marchese Iacono
VISITA IL 3 NOVEMBRE
Provalu puru tu na vota tantu
a jri o tri novembri o campusantu
pari un jardinu chinu di juriddri
si senti sulu u cantu di l’aciddri
e nnu silenziu veni na gran calma
ca ti conforta e t’accarizza l’arma
Tu camini suliddru taliannu
a dritta e a manca e vai salutannu
tutti l’amici mentri li va ‘ncuntrannu
iddri su ddra tra rosi e crisantemi
pari ca ti vulissiru parlari
e fari quattru passi assimi a tia
pirchì si sulu e senza cumpagnia
tu ci ridi e continui a caminari
l’amici sunu assai di salutari.
Ci sù curuni d’alloru ppi i surdati
monumenti ppi chiddri altolocati
e puru nni l’agnuna li cchiù antichi
davanti a li balati sculuruti
ci su juri ppi l’animi scurdati
ca pusaru li manu dilicati.
Iè bellu u tri novembri u cimiteru
ca si putissi i sciglissi ssa data
ppi quannu c’è turnari ppi daveru.
GABRIELLA MARCHESE IACONO
3 novembre 2025